Ötən gün Şabran rayonu ərazisində yol kənarında naməlum kişi meyiti tapılıb.
Milli.Az qafqazinfo-ya istinadən xəbər verir ki, onun Şabran rayonu Qorğan kənd sakini 1989-cu il təvəllüdlü Rauf Eyvaz oğlu Hacıyev olduğu müəyyənləşib. Polisin axtarışları nəticəsində məlum olub ki, Belarus vətəndaşı Kuzmin Mikali Nikolayeviç avtoqəza törədərək Şabran sakinini vurub, daha sonra hadisə yerindən qaçıb. Qəzanı törədən sürücü saxlanılıb.
Faktla bağlı DİN-də CM-nin 263.2 və 264-cü maddələri ilə cinayət işi başlanıb.
Milli.Az
