Bu gün Avropa Liqasının pley-off mərhələsinin püşkü atılıb.
Milli.Az qol.az-a istinadən xəbər verir ki, Çempionlar Liqasının 3-cü təsnifat mərhələsində mübarizəni dayandıracaq klubların da Avroliqadakı rəqibləri bəlli olub.
"Qarabağ" BATE səddini keçə bilməsə, "Şerif" (Moldova) - "Valür" (İslandiya) cütünün qalibi ilə qarşılaşacaq.
Ağdam klubu sözügedən komandalardan birinə rəqib olsa, Avroliqada pley-off-un ilk görüşünü səfərdə keçirəcək.
Qeyd edək ki, pley-off mərhələsinin oyunları avqustun 23-də və 30-da oynanılacaq.
Milli.Az
