Azərbaycanın mövqeyi dəyişmədi - UEFA REYTİNQİ

Avropa Liqasında II təsnifat mərhələsinə yekun vurulub.

Milli.Az xəbər verir ki, dünən keçirilən matçlar ölkələrin UEFA klub reytinqində bir sıra dəyişikliklərə səbəb olub.

Azərbaycan mövqeyini qoruyub. Avropa Liqasında hər 3 təmsilçisi mübarizəni I təsnifat mərhələsində dayandıran ölkəmiz aktivindəki 18,124 xalla əvvəlki kimi 23-cüdür. 

Əvəzində Azərbaycanın cədvəldəki qonşularının xal hesabı dəyişib. 24-cü pillədəki Şotlandiya xeyli yaxınlaşıb. İndi Böyük Britaniya ölkəsinin aktivində 18,000 xal var və Azərbaycandan 0,125 xal geri qalır. 22-cı sıranın sahibi İsveç isə fərqi artırıb. Skandinavlar 18,525 xala malikdir.

Milli.Az