"Bu, futbolumuzun inkişafı üçün yaxşı amildir"

““İnter”ə qarşı yaxşı oynadıq. Qələbəyə layiq idik. Son dəqiqələrə kimi də qələbə qazanacağımızı gözləyirdik. Çünki oyuna yaxşı başlamışdıq və bu, bizdə inam gücünü artırmışdı".

Bu sözləri Qol.Az-a "Qəbələ"nin futbolçusu Cavid Hüseynov Azərbaycan Premyer Liqasının 26-cı turunda "İnter"ə 2:1 hesabı ilə qalib gəldikləri matçdan sonra deyib.

O bildirib ki, çempionatda kəskin mübarizə gedir: "Bu isə futbolumuzun inkişafı üçün yaxşı amildir".

Bir vaxtlar “İnter”in şərəfini qoruyan C.Hüseynov Bakı klubunun ən bəyəndiyi komandalardan olduğunu söyləyib:
 

""İnter"in məşqçilərini də yaxşı tanıyıram və oynadıqları futbola da böyük simpatiyam var. Bu gün hər zamankı oyunumu oynadım. Ola bilər ki, bu oyunda daha yaxşı alındı".

Milli.Az