Səudiyyə Ərəbistanı kralı Salman ibn Abdel əl Səud Milli Qvardiyaya Yəməndə hərbi əməliyyatlarda iştirak etmək barədə əmr verib.

ANS PRESS-in məlumatına görə, krallığın ən yaxşı təchiz olunmuş hərbi quru qüvvələri olan Milli Qvardiyaya verilən tapşırıq ölkənin sərhədlərini qorumaq, təhlükəsizliyi təmin etməkdən ibarətdir.

Səudiyyədə Milli Qvardiya quru qoşunları, kəşfiyyat, aviasiya və hava hücumundan müdafiə bölmələrindən ibarətdir.

Qeyd edək ki, hazırda Yəməndə husilərə qarşı Səudiyyə Ərəbəsitanı Silahlı Qüvvələrinin Hərbi Hava Qüvvələri əməliyyatlar keçirir. Milli Qvardiya isə Müdafiə Nazirliyində ayrıca qurum kimi fəaliyyət göstərir.

Xatırladaq ki, ABŞ mətbuatı iddia edir ki, Səudiyyə Ərəbistanı və Türkiyə ordusu Yəmənə qoşun yeritmək üçün danışıqlar aparırlar.
Mənbə
ANS PRESS