Bakı. 21 aprel. REPORT.AZ/ Cari il aprelin 1-nə Azərbaycanda maliyyə və sığorta fəaliyyəti ilə məşğul olan müəssisə və təşkilatların sayı 1 528 ədədə çatıb. "Report"un Dövlət Statistika Komitəsinə istinadən verdiyi xəbərə görə, bunun da 772-ni kommersiya obyektləri təşkil edib.
Statistikaya əsasən, illik müqayisədə maliyyə və sığorta fəaliyyəti ilə məşğul olan təsərrüfat subyektlərinin sayında ilin əvvəli ilə müqayisədə 1,3% artım müşahidə olunub. Belə müəssisə və təşkilatlar ölkədə mövcud olan cəmi təsəsrrüfat subyektlərinin 1,6%-ni əhatə edib.
Qeyd edək ki, 2015-ci il yanvar-mart ayları ərzində Azərbaycanda müəssisə və təşkilatların ümumi sayı 1,9% artaraq 2015-ci il aprelin 1-i vəziyyətinə 96 398 olub. Artım əsasən iqtisadiyyatın “Təhsil”, “İnformasiya və rabitə”, “Digər sahələrdə xidmətlərin göstərilməsi”, “Peşə, elmi və texniki fəaliyyət” bölmələrində daha nəzərəçarpacaq dərəcədə olub.