Türkiyənin Ədirnə şəhərində selfi çəkmək istəyən qız, az qala, həyatını itirəcəkdi.

Axşam.az “Hürriyət”ə istinadən xəbər verir ki, Meriç körpüsündə selfi çəkən 23 yaşlı Nəslihan A. geri addım atarkən çaya düşüb. Bu zaman velosipedi ilə çayın kənarından keçən belçikalı turist Jerome D'heygere suya atılaraq qızı boğulmaqdan xilas edib. Nəslihan daha sonra təcili tibbi yardımla xəstəxanaya aparılıb. Belçikalı turist isə ətrafdakıların alqışları ilə yola salınıb.