Gəncə, 17 aprel, AZƏRTAC
Gəncədəki Heydər Əliyev Mərkəzində keçirilən növbəti açıq dərsdə şəhərin bütün məktəblərindən şagirdlər iştirak ediblər.
AZƏRTAC xəbər verir ki, açıq dərsdə çıxış edən şəhər təhsil idarəsinin metodiki mərkəzinin müdiri Söhrab Hacıyev Ulu Öndərin Azərbaycan xalqı qarşısında göstərdiyi misilsiz xidmətlərindən danışıb. Qeyd edib ki, bu dahi şəxsiyyət bütün həyatını mənsub olduğu xalqın işıqlı gələcəyinə həsr edərək, onu xoşbəxt günlərə çıxarıb. Xalqın təkidli tələbi ilə ikinci dəfə siyasi hakimiyyətə gələndə Azərbaycanda xaos və özbaşınalıq hökm sürürdü. Onun uzaqgörən siyasəti nəticəsində respublikamız parçalanmaq təhlükəsində azad oldu və inkişaf yoluna çıxdı. Bu gün hər bir Azərbaycan vətəndaşı yaşadığı xoşbəxt günlər üçün bu dahi şəxsiyyətə borcludur.
Məşğələdə, həmçinin Prezident İlham Əliyevin gördüyü işlərdən, Azərbaycan iqtisadiyyatının inkişafı naminə həyata keçirdiyi tədbirlərdən də ətraflı söhbət açılıb.
Sonra şagirdlər Heydər Əliyev Mərkəzinə ekskursiya edib, onun mənalı həyatının müxtəlif anlarını əks etdirən fotoşəkillərə baxıblar.