Avropa Parlamentinin (AP) prezidenti Martin Şults Türkiyə baş naziri Əhməd Davudoğluna zəng edib.

ANS PRESS-in məlumatına görə, Martin Şults aprelin 15-də Avropa Parlamentinin 1915-ci il hadisəsləri ilə bağlı çıxardığı qərara Türkiyənin göstərdiyi təpkinin anladığını Davudoğlunun nəzərinə çatdırıb.

Martin Şults qərarın özünün olmadığı iclasda qəbul edildiyini də Türkiyə baş nazirinin diqqətinə çatdırıb.

Davudoğlu qondarma erməni soyqırımı ilə bağlı Avropa Parlamentinin qərarının Türkiyə tərəfindən rədd edildiyini və bunun Avropa Birliyi-Türkiyə əlaqələrini zədələdiyini deyib. Həmçinin Avropa Parlamentinin məlum qərarının Türkiyə - Ermənistan münasibətlərini daha da pisləşdirəcəyini deyən Davudoğlu avropalı parlamentarilərinin bu məsələdə səmimi olmadığını Martin Şultsa söyləyib.

Telefon söhbətində Ermənistanın 1915 hadisələrinin obyektiv şəkildə araşdırılmasında maraqlı olmadığını və Türkiyənin ortaq tarix komissiyası qurmaq təklifinə İrəvanın mənfi cavab verdiyini bildirən Davudoğlu rəsmi Ankaranın mövqeyini bir daha Martin Şultsun diqqətinə çatdırıb.
Mənbə
ANS PRESS