Yeni yaradılmış Müşahidə Şurasının loqonu dəyişmək haqda qərarı azarkeşləri ayağa qaldırıb.

ANS PRESS-in məlumatına görə, "ağ-qara" rənglərə könül verən azarkeşlər sosial şəbəkələrdə şuranın bu qərarına etiraz səslərini ucaltmağa başlayıblar.

Artıq "Forza Neftçi" və "Neftçi Baku" azarkeş səhifələrində konkret bəyənatlar da səsləndirilib. Fanatlar yeni rəhbərliyin loqonu dəyişmək barədə qərarını qınayır, bu ideya gerçəkləşərsə olan-qalan azarkeşlərin də klubdan üz çevirəcəyini dilə gətirirlər: "Bu loqo ilə biz ilklərə imza atmışıq. O loqo sevgisiylə azarkeşlərimiz həbsə düşüb. Bu komanda bizimdi və qərarı biz veririk. Loqomuz dəyişsə, olan-qalan azarkeşləri də itirəcəksiniz!"

Xatırladaq ki, hazırkı loqo 2004-cü ildə, Rövnəq Abdullayevin kluba prezidentlik etdiyi dövrdə qəbul olunub.
Mənbə
ANS PRESS