Budapeşt, 15 aprel, AZƏRTAC
Vışeqrad dördlüyü (V4) ölkələri parlamentlərinin əksər nümayəndələri mavi yanacağı Azərbaycandan Avropaya nəql edəcək “Cənub” qaz dəhlizi boru kəməri tikintisinin başa çatdırılmasını dəstəkləyiblər. Çexiya, Slovakiya və Polşa (görüşdə Macarıstan parlamentinin nümayəndəsi olmayıb) parlamentlərinin Avropa Komitəsi nümayəndələri qeyd ediblər ki, Praqada imzalanmış deklarasiyanın məqsədi bir mənbədən göndərilən enerjidaşıyıcısından asılılığı azaltmaqdır.
Avropa İttifaqı ölkələri liderlərinin dəstəklədikləri Enerji İttifaqının konsepsiyası ilə əlaqədar V4-ün təmsilçiləri də Aİ-nin ayrı-ayrı ölkələrinin enerji alacağı mənbələr haqqında qərarların qəbul edilməsində yekdil fikrə gəliblər. Onların fikrincə, müvafiq qərarlar milli səviyyədə qəbul olunmalıdır. Enerji resurslarının birgə alışı imkanı da müzakirə edilə bilər.
Pərvanə Qarayeva
AZƏRTAC-ın xüsusi müxbiri
Budapeşt