Ölüm yatağında olan Mərkəzi Kəşfiyyat İdarəsinin keçmiş əməkdaşı 78 yaşlı Norman Hocest böyük sensasiyaya səbəb olacaq açıqlama verib. ANS PRESS-in “World news”a istinadən verdiyi məlumata görə, ölüm ayağındakı Norman Hocest etiraf edib ki, əfsanəvi amerikalı aktrisa Merlin Monronu qətlə yetirib.

Xəstəxanada yatan keçmiş casus uzun illər gizlin saxlanılan sirrin üstünü açıb. O, etirafında bildirib ki, tanınmış aktrisanı Mərkəzi Kəşfiyyat İdarəsinin əmrinə əsasən qətlə yetirib.

O, etiraf edib ki, təkcə tanınmış aktrisanın deyil, bir çox insanın həyatına son qoyub. MKİ əməkdaşı 37 qətl hadisəsi törətdiyini bildirib.

“Bizim əlimizdə sübut vardı ki, Merlin Monro təkcə Kennedinin deyil, həmçinin Fidel Kastronun da sevgilisi olub. Mərkəzi Kəşfiyyat İdarəsinin rəisi Cimmi Heyvort mənə əmr etdi ki, onu öldürüm. O, xüsusi göstəriş vermişdi ki, bu ölüm intihar kimi görünsün. Həmin vaxta qədər mən heç vaxt qadın qətlə yetirməmişdim. Lakin əmri yerinə yetirməyə məcbur idim. Əmri icra etdim. Bu bu cinayəti Amerika uğrunda etdim. O, vacib informasiyaları kommunistlərə ötürə bilərdi. Biz buna yol verə bilməzdik. Mən öz vəzifəmi yerinə yetirmişəm”.

Həkimlər Norman Hocestin ağır xəstə olduğunu və ömrünə çox az qaldığını bildiriblər.

Qeyd edək ki, əfsanəvi amerikalı aktrisa Merlin Monro 1962-ci ildə 32 yaşında dünyasını dəyişib. İndiyə qədər onun yüksək dozada sakitləşdirici dərman qəbul edərək intihar etdiyi məlum idi. Merlin Monro 20-ci əsrin ən tanınmış ulduzu hesab edilir.
Mənbə
ANS PRESS