Bakı, 13 aprel, AZƏRTAC
XXI əsr Beynəlxalq Təhsil və İnnovasiya Mərkəzində gənc rəssam Könül Bayramın yaradıcılıq sərgisi açılıb.
AZƏRTAC xəbər verir ki, sərgidə istedadlı rəssamın portret, peyzaj və digər janrlarda ümumilikdə 18 əsəri nümayiş etdirilib. Müəllif öz əsərlərində əsasən təbiət, onun gözəllikləri, insan üçün gözəllik nədir kimi suallara cavab axtarır. Bir-birindən maraqlı sənət əsərlərində xarakterlər, suallar və bu sualların cavabları var. Beş ilə yaxındır bu sənətlə məşğul olan Könül Bayram tablolarda insanların diqqətini ekoloji problemlərə və bunun səbəb olacağı fəlakətlərə cəlb etmək istəyir.
Sərgidə iştirak edən mütəxəssislər gənc rəssamın əsərlərini yüksək qiymətləndirib, ona yeni-yeni sənət uğurları arzulayıblar.