Moskva, 12 aprel, AZƏRTAC
“Mən bu gün Azərbaycana həsəd apardım. Prezident ailəsinin səmimi olması yüksək mədəniyyətdən xəbər verir”. Bu sözləri sosial şəbəkədəki səhifəsində Rusiyanın məşhur telejurnalisti və teleaparıcı, “Mixaylov i partnyorı” kommunikasiya-konsaltinq qrupunun vitse-prezidenti Marianna Maksimovskaya yazıb.
Rusiyanın aparıcı kütləvi informasiya vasitələrinin rəhbərləri ilə TASS agentliyində görüşündən sonra o qeyd edib ki, Azərbaycanın birinci xanımı Mehriban Əliyeva “Azərbaycanın imicini yüksəldir”. M.Maksimovskaya yazıb: “Həm də, şübhəsiz ki, Azərbaycanın bəxti birinci xanım barədə gətirib. Mehriban Əliyeva Azərbaycanın imicini olduqca yüksəldir. Prezident xanımının gözəl və üstəlik ağıllı olmasına az halda rast gəlinir”.
Fəridə Abdullayeva
AZƏRTAC-ın xüsusi müxbiri
Moskva