Riqa, 11 aprel, AZƏRTAC
Latviya Prezidenti Andris Berzinş ikinci müddətə prezidentliyə namizədliyini irəli sürməmək qərarına gəlib. Bunu Prezident Dəftərxanasından bildiriblər.
Latviya müstəqilliyini bərpa edəndən sonra ölkənin tarixində ilk dəfədir ki, prezident təkrar namizədliyini irəli sürməmək barədə özü qərar qəbul edir.
Bir gün əvvəl Avstriyada rəsmi səfərdə olan A.Berzinş deyib: “Qərarlar uzunmüddətli qiymətləndirmənin nəticəsi kimi formalaşır. Vəziyyəti qiymətləndirərək, inkişafa, nəticələrə və imkanlara baxaraq belə qənaətə gəlirəm ki, bu, bir növ son ilin ümumiləşdirməsidir.
Milyonçular siyahısında rəsmi yeri olan 66 yaşlı Andris Berzinş 2010-cu ildə birbaşa siyasətlə məşğul olmaq qərarına gəlib, “yaşıllar” və kəndlilər İttifaqından deputat seçilib.
2011-ci il iyunun 2-də prezident seçkilərində qələbə qazanması onun karyerasında növbəti mərhələ olub: parlamentdə gizli səsvermə zamanı 43 səsə qarşı 53 səs toplayaraq dövlət başçısı vəzifəsində Valdis Zatlersi əvəz edib, 2011-ci il iyulun 8-də rəsmi surətdə vəzifələrinin icrasına başlayıb.

Nigar Cəfərli
AZƏRTAC-ın xüsusi müxbiri
Riqa