Bakıda əsən möhkəm külək evin dam örütüyünü uçurub.

ANS TV-nin məlumatına görə, Xətai rayonu Pivə zavod küçəsi 4 mənzil 2 ünvanında yaşayan Xasiyevlər ailəsi küləyin fəsadlarından əziyyət çəkir. Ev sahibəsi Gözəl Xasiyeva deyir ki, ailəliklə evdə oturduqları zamanı birdən evin tavan hissəsinin açıldığının şahidi olublar. Amma buna kimi güclü səs eşitdiklərini də bildirdi. Bundan sonra bayıra çıxan zərərçəkənlər evin damının uçduğunu görüblər. Təxminən 60 kavdrat metrlik dam ötrüyü takta konstruksiyası ilə birgə, yaxınlıqdakı binaya çırpılıb. Hadisə zamanı isə məhəllənin kommunikasiya xətlərinə də ziyan dəyib.

Evin dam örtüyünün uçması məhəlləni işıqsız qoyub. Elektrik naqlillərinin zədələnməsi nəticəsində küçənin bir hissəsi işıqsız qalıb. Bundan əlavə bəzi qaz xəttlərinə də ziyan dəyib.

Şikayətçinin sözlərin görə, başına gələnlərlə bağlı müvafiq qurumları da məlumatlandırıb. Amma aldığı cavabalrın hamısı eyni olub. Yəni gözləyin. Gözəl Xasiyeva Milli Qəhrəman Samir Xasiyevin anasıdır.



Mənbə
ANS TV, Ruslan Eldaroğlu