Stokholm, 11 aprel, AZƏRTAC
İsveç ərazisində fəaliyyət göstərən məscidlər dövlətdən maddi yardım alacaqlar. Bu qərarın qəbul olunmasının əsas səbəbi son vaxtlar məscidlərə hücumların artmasının qarşısını almaq cəhdidir.
Bunu İsveç İslam Federasiyasının sədri Tahir Akan jurnalistlərlə müsahibəsində bildirib. O xatırladıb ki, son vaxtlar ölkədə məscidlərə çoxlu sayda hücumlar qeydə alınıb. Yaranmış vəziyyəti nəzərə alaraq, problemlərin həlli yollarının axtarılması üçün məsləhətləşmələr aparılıb. İsveç müsəlmanlarının hökumət nümayəndələri ilə məsləhətləşmələrindən və söhbətlərindən sonra sonuncular ölkənin ərazisindəki hər bir məscidə təqribən 18000 kron (20 000 avro) məbləğındə yardım göstərməsi barədə qərar qəbul ediblər.
Lakin bu yardımı almaq istəyən məscidlərin azı 10 il müddətinə icarə haqqında müqaviləsi olmalı, habelə onlar müəyyən prosedurdan keçməlidirlər. İsveç İslam Federasiyası etiraf edir ki, hazırda İsveçin islam mərkəzləri binaların videokameralarla təchiz edilməsinə və digər mühafizə sistemlərinin yenilənməsinə yardım göstərilməsi xahişi ilə quruma müraciət edirlər.
Rauf Əliyev
AZƏRTAC-ın xüsusi müxbiri
Stokholm