“Report” xarici KIV-lərə istinadən xəbər verir ki, Obamanın yazdığı kitablardan əldə etdiyi gəlirin düşməsi səbəbiylə, cütün gəlirlərində azalma müşahidə olunub. Ötən il qazandıqları dəqiq gəlirin isə 477 min 383 dollar, ödədikləri veriginin isə 93 min 362 dollar olduğu açıqlanıb.
Ən böyük gəliri prezidentlik maaşı olan Obama, bu vəzifəsindən illik 400 min dollar əldə edir. Obamanın maaşı xaricində cütün ən böyük gəlir mənbəyi isə prezident Obamanın 1995 və 2006-ci illərdə yazdığı iki kitab satışlarından əldə etdikləri vəsaitdir. Lakin açıqlanan rəqəmlərə görə Obamanın kitablardan əldə etdiyi gəlir hər il biraz da azalır.
Obama cütü, ötən il cəmi 33 yardım qurumuna 70 min 712 dollar məbləğində yardım edib.
Obama ailəsi 2012-ci ildə 662 min dollar qazanıb, 2013 isə bu rəqəm 503 min dollar olub. Obamanınən yüksək gəliri prezident kreslosuna oturduğu 2009-cu ildə olub Obama o il kitab satışları və Nobel Sülh Mükafatı səbəbiylə 5,5 milyon dollarlıq gəlir əldə edib.