Klubun bazasında mətbuat konfransı keçirən vitse-prezident Tahir Gözəl ilk olaraq uğurlardan danışıb.

ANS PRESS-in məlumatına görə, o bildirib ki, komandanın nailiyyətlərində dostlarının da rolu olub.

"Qarabağ"ın təbliğində amerikalı Tomas Qolts və Şakir Eminbəylinin xüsusi əməyi olduğunu deyən Tahir Gözəl, hər iki şəxsi mükafatlandırıb, onlara forma hədiyyə edib.

Cənab Qolts bu zaman göz yaşlarını saxlaya bilməyib. "Qarabağ" haqqında 50 dəqiqəlik sənədli film çəkildiyi haqda məlumat verilib. Azərbaycanca danışan Tomas Qolts deyib ki, film futbolla yanaşı, müharibə mövzusundan bəhs edir:

"Qarabağın dünyaya Azərbaycan ərazisi kimi tanıdılması üçün keçirilən tədbirlərdən əlavə futbol klubunun öz uğurlu çıxışı da çox vacibdir. Filmdə "Qarabağ"ın sonuncu dəfə "İmarət"də olduğu ildən indiyədək keçdiyi yol əks olunub. Dünyada komandası olmayan minlərlə şəhər var, amma təmsil etdiyi şəhəri olmayan komanda çox azdır. Bu baxımdan "Qarabağ" haqqında çəkilən film xüsusi önəm daşıyır".

Mənbə
ANS PRESS