[ 10 Aprel 2015 16:51 ]
Bakı – APA. Mərakeşdə sərnişin avtobusunun yük maşını ilə toqquşması nəticəsində 31 nəfər ölüb, 9 nəfər yaralanıb.
APA-nın “Frans Press”ə istinadən verdiyi məlumata görə, hadisə Tan-Tan şəhəri yaxınlığında baş verib.
Yük maşını ilə toqquşduqdan sonra avtobus yanmağa başlayıb. Avtobusda gənc atletlər və onların məşqçisi olub. Onlar ölkənin şimalında keçirilən yarışlardan qayıdırlarmış.
Faktla bağlı araşdırma aparılır.
