Bakı, 10 aprel, Gülnar Bəşirova, AZƏRTAC
Aprelin 10-da ADA Universitetində bu Universitetin İnformasiya Texnologiyaları və Mühəndislik İnstitutu və SAP Biznes One komandası ilə əməkdaşlıq çərçivəsində "Kiçik və orta biznes üçün həllər" mövzusunda konfrans ö işinə başlayıb.
AZƏRTAC xəbər verir ki, ADA Universitetinin İnformasiya məsələri üzrə rəhbəri Rahid Ələkbərli bildirib ki, yeni Bulud texnologiyaları əsasında işləyən yeni həll kiçik və orta biznes üçün sərfəli şərtlərlə olmaqla yanaşı, elektron hökumət, elektron ticarətin inkişafına dəstək verəcək. İstehsalat, turizm, ticarət və digər sektorlar üzrə fəaliyyət göstərən müəssisələrin daxili proseslərinin avtomatlaşdırılması, hökumət-biznes əlaqələrinin inkişaf etdirilməsi kimi funksiyalar yaradacaq.
Konfransda Azərbaycanın SAP üçün strateji əməkdaşlıq rolunu oynaması, kiçik və orta biznes üçün texnoloji yeniliklərdən faydalanma yolları, istehsalat, turizm və ticarət sahələri üçün biznes həlləri mövzularında çıxışlar edilir.
Tədbir çərçivəsində ADA Universiteti və SAP arasında anlaşma memorandumu imzalanıb və ADA Universiteti SAP Universiteti Aliyansının üzvünə çevrilib. Universitetin İT və Mühəndislik İnstitutunda regionun ilk Kompitensiya Mərkəzi yaradılmasına dair razılıq əldə olunub.