Bakı, 10 aprel, Kifayət Əliyeva, AZƏRTAC
Aprelin 10-da Azərbaycan Milli Elmlər Akademiyasının (AMEA) İnformasiya Texnologiyaları İnstitutunda “AzScienceNet: mövcud vəziyyəti, imkanları və inkişaf perspektivləri” mövzusunda respublika elmi-praktiki seminarı keçirilib.
AZƏRTAC xəbər verir ki, seminar AMEA-nın institut və təşkilatlarının internet xidmətləri ilə dünya elminə inteqrasiyasını təmin edən, elm, təhsil şəbəkələri üzrə milli operator olan AzScienceNet elm kompyuter şəbəkəsinin imkanlarından daha səmərəli istifadənin təmini məqsədilə təşkil olunub.
Tədbirdə AMEA-nın, eləcə də ali təhsil müəssisələrinin informasiya texnologiyaları üzrə məsul şəxsləri iştirak ediblər.
Seminarda İnformasiya Texnologiyaları İnstitutunun direktoru, AMEA-nın akademik katibi, akademik Rasim Əliquliyev AzScienceNet şəbəkəsinin hazırkı vəziyyəti, imkanları və inkişaf perspektivləri ilə bağlı ətraflı məlumat verib.
Daha sonra mövzu ətrafında çıxışlar dinlənilib, müzakirələr aparılıb.