Bakı, 9 aprel, AZƏRTAC
Bakının 245 və 60 nömrəli tam orta məktəblərinin birgə təşkilatçılığı ilə dahi yazıçı Redyard Kiplinqin 150 illiyinə həsr olunan tədbir keçirilib.
Bakı Şəhəri üzrə Təhsil İdarəsindən AZƏRTAC-a bildiriblər ki, tədbirin keçirilməsinin məqsədi şagirdlərdə mütaliə vərdişlərinin formalaşdırılması və oxuya marağın artırılması, istedadlı şagirdlərin üzə çıxarılması və məktəblərarası dostluq əlaqələrinin möhkəmləndirilməsidir.
Tədbirdə şagirdlər R.Kiplinqin həyat və yaradıcılığı ilə tanış olub, “Mauqli” əsəri əsasında bilik yarışmasında iştirak ediblər. Həmçinin, “Mauqli”, “Balu” mahnılarının sədaları altında rəqs ifa edilib, personajların geyimində şagirdlərin iştirakı ilə parad təşkil olunub.