Bakı, 9 aprel, AZƏRTAC
Aprelin 12-də Bakı Caz Mərkəzində caz həvəskarları üçün məşhur və sevimli musiqiçilərinin iştirakı ilə konsert olacaq.
AZƏRTAC xəbər verir ki, konsertdə Əfqan Rəsul və triosu çıxış edəcək.
Trioya Əfqan Rəsul (fortepiano), Elvin Bəşirov (zərb) və Ruslan Hüseynov (bas gitara) daxildir.
Əfqan Rəsul Bakı Musiqi Akademiyasını bitirib, 2004-cü ildə pianoçuların IV Respublika müsabiqəsinin qalibi olub. O, dəfələrlə Bakıda keçirilmiş beynəlxalq caz festivallarında çıxış edib. 2011-ci ildə Permdə, 2012-ci ildə İsveçrənin Montö şəhərində keçirilmiş caz festivallarının iştirakçısı olub.