Bakı, 8 aprel, AZƏRTAC
"Azerfon" şirkəti LTE texnologiyası üzərindən daha keyfiyyətli xidmət göstərir.
Şirkətdən AZƏRTAC-a verilən məlumata görə, artıq abunəçilər 4G xidmətlərindən yararlana bilirlər. 4G (4-cü nəsil) texnologiyası abunəçilərə 300 mbps qədər internet sürətindən istifadə etmək imkanı yaradır. Hazırda Azərbaycanda stasionar, mobil, peyk rabitəsi sahəsində dayanıqlı şəbəkələr yaradılıb və bir telefon üzərindən bütün xidmətlərdən istifadəsi realdır.
Qeyd edək ki, mobil operator Azərbaycanda ilk dəfə olaraq 3G şəbəkəsini tətbiq etməklə yanaşı, AZAL təyyarələrində mobil rabitə xidmətlərini istifadəyə verib. Bu yaxınlarda təqdim olunan “Nar Home” istehlakçılara müxtəlif cihazlarda (televizor, planşet və ya smartfonlar) media və əyləncə xidmətlərindən istifadəyə imkan yaradır.
2007-ci ildən fəaliyyət göstərən şirkət daima qiymət siyasətinə sadiq qalaraq müxtəlif tarif planları ilə abunəçilərinə ən sərfəli təkliflərini təqdim edib. Münasib danışıq tarifləri ilə yanaşı, mobil operator müxtəlifliyi və sərfəliliyi ilə seçilən internet paketləri və abunəçilərin hər zona üzrə bir qiymət ödədiyi sadə rouminq xidmətləri təqdim edir. Ötən il şirkətin şəbəkəsində 25 faizlik artım qeydə alınıb. Hazırda "Azerfon" yeni "Nar Garden" brend konsepsiyasına uyğun SİM kartlarını və ödəniş kartlarını satışa çıxarıb və dükanlarının dizaynını yeniləyir.
“Azerfon” şirkəti “Bakı 2015” Avropa Oyunlarının rəsmi mobil rabitə təminatçısıdır.