[ 05 Aprel 2015 14:34 ]
Bakı - APA. Biləcəri qəsəbəsi Rəşid İsmayılov küçəsində işlər davam etdirilir.
Nəqliyyat Nazirliyi “Azəryolservis” ASC-nin mətbuat katibliyindən APA-ya verilən məlumata görə, bazar günü nəqliyyatın azlığı nəzərə alınaraq işlər daha intensiv şəkildə aparılır.
Uzunluğu 335 m olan küçənin 235 m hissəsində 12 m enində genişləndirilmə işləri həyata keçirilib.
Həmin hissədə torpaq yatağı yenidən tikilərək 1 qat asfalt-beton örtük döşənib. Ərazidə yerləşən dairənin diametri 34 m-dən 22 m-ə qədər kiçildilib. Bundan əlavə Avtovağzal istiqamətində deformasiyaya uğramış yerlər yenidən bərpa olunur.
Hazırda köhnə asfalt-beton örtüyünün frez mexanizmi vasitəsilə qaşınması işləri aparılır.
