9 ölkə vətəndaşı Yəməndən çıxarıldı
Təxliyyə edilənlərin təyyarəsi Rusiyanın Çkalovski hava limanına enib
Yəməndən Rusiya təyyarələri ilə 160 nəfər təxliyyə edilib.

ANS PRESS-in məlumatına görə, Yəməndən Rusiya və digər ölkələrin vətəndaşlarını təxliyyə edən üçüncü Rusiya təyyarəsi Moskva vilayətinin Çkalov aerodromuna enib.

Təxliyyə edilmişlər arasında doqquş ölkənin vətəndaşı olub. İçərisində 30 uşaq olduğu bildirilən təxliyyə edilənlərin Bakı vaxtı ilə 23:55-də Moskvaya endikləri bildirilir.

Bundan əvvəlki uçuşlarda ümumilikdə Rusiya, Azərbaycan, Yəmən, Özbəkistan, Tacikistan, Belarus, Polşa, Qırğızıstan və Ukrayna vətəndaşı olan 300 nəfərdən çox adam Moskvaya gətirilib.

Qeyd edək ki, ilk təyyarə Misir, ikinci təyyarə isə Cibuti vasitəsilə Rusiyaya uçub.

Bəzi məlumalara görə, Yəməndə 2 min Rusiya vətəndaşı var.
Mənbə
ANS PRESS