"Rizəspor"la qarşılaşmadan öncə İsmayıl Kartal heyət qurmağa futbolçu tapmır.

ANS PRESS-in məlumatına görə, çətin Rizə səfərinə yollanmağa hazırlaşan "Fənərbaxça"da ard-arda zədə şoku yaşanmaqdadı. "Beşiktaş"la oyunda əzələsində yırtıq əmələ gələn Dik Kuytun Rizəyə yollana bilməyəcəyi öncədən məlum idi. Çıxış yolu kimi Dieqonu onun yerində oynatmağa hazırlaşan İsmayıl Kartal daha bir çətinliklə üzləşib. Belə ki, komandanın dünənki məşqində Dieoqo da zədələnib.

İtkilər təcə bununla bitmir. Raul Meyreleş və Egemen Korkmaz da "Rizəspor"la oyunda zədə səbəbindən iştirak edə bilməyəcək. Baş məşqçinin vəziyyətdən necə çıxacağı maraqla gözlənilir.

Xatırladaq ki, "Rizəspor"-"Fənərbaxça" qarşılaşması bu gün saat 21:00-da start götürəcək. "Sarı bülbüllər" 53 xalla turnir cədvəlinin 3-cü sırasında qərarlaşıb, lider "Qalatasaray"dan 2 xal geri qalır.
Mənbə
ANS PRESS