Avtomobilin evakuasiyası zamanı məsuliyyəti kim daşıyır?

ANS TV-nin məlumatına görə, paytaxdın mərkəzi küçələrində dayanma və durmanı qadağan edən işarənin altında avtomobil saxlayan sürücülərin, yol patrul xidməti əməkdaşları ilə tez-tez baş verən mübahisələri ilə əksəriyyət rastlaşıb. Həmin işarələrin təsir gücü altında olan ərazilərdən, maşınların evakuator vasitəsi ilə aparılmasıdır. Məsələ ondadır ki, bəzən evakuatorlar vasitəsi ilə cərimə meydançasına aparılan avtomobillər həmin nəqliyyat vasitələrinin sürücüləri tərəfindən təhlükəli formada daşınır. Bunun nəticəsində də avtomobilin əzilməsindən tutmuş, digər xoşagəlməz hallara kimi ortaya çıxan məqamlar olur. Amma dəymiş ziyanın kimin tərəfindən odənilməsi məsələsinə gələndə, tərəflər arasında mübahisələr yaşanır. Mütəxəssislərin sözlərinə görə “Yol hərəkəti” haqqınada qanuna əsasən nəqliyyat vasitələrinin evakuasiyası və cərimə meydançasına daşınması, birbaşa olaraq Yol Polisi İdarəsinə aiddir.

Ekspert Ərşad Hüseynov deyir ki, “Yol hərəkəti” haqqında qanuna və mülkü qanunvericiliyə görə, bu fəaliyyətin qanuna uyğun şəkildə aparılmasını Dövlət Yol Polisi daşıyır. Bu həm də ona ehtiva edir ki, fəaliyyətdə vətəndaşa dəymiş hər hansı bir ziyan Yol Polis İdarəsinin üzərinə düşür.

Ekspertlərdən fərqli olaraq BŞBDYPİ İdarəsinin şöbə müdiri Vaqif Əsədovun bildirdi ki, bu kimi mübahisəli məsələlərin baş verməməsi üçün birinci növbədə avtomobillərin sığortalanması vacib şərtdir. Digər tərəfdən baş verən hər hansı bir maddi zərərlə və ya xəsarətlə nəticələnən yol hərəkət hadisəsi araşdırılmalıdır. Yalnız bundan sonra törədilmiş xəta üzrə günahkar şəxs, inzibati qaydada məsuliyyət daşıyır.

Bu da kömək etmirsə, vətəndaş avtomobilinə dəyən ziyanla bağlı problemlərlə üzləşirsə, haqqını hüquq müstəvisində axtara bilər.

Mənbə
ANS TV, Orxan Mahmudoğlu