Moskva, 3 aprel, AZƏRTAC
Yəməndən gəlmiş ikinci Rusiya təyyarəsində iki Azərbaycan vətəndaşı olub.
Bu təyyarə Yəməndən evakuasiya olunmuş təxminən 150 nəfərlik növbəti qrupu RF-yə çatdırıb. Onların arasında Azərbaycan, Rusiya, Özbəkistan, Tacikistan, Yəmən, Belarus, Polşa, Qırğızıstan və Ukrayna vətəndaşları var. Yəməndən Rusiyaya yola düşmüş birinci təyyarə yerə enəndən bir neçə saat sonra ikinci təyyarə Moskva vilayətindəki Çkalov aerodromunda yerə enib.
Səna şəhərrindən gələn birinci təyyarə də Moskva vilayətindəki Çkalov aerodromunda yerə enib. Həmin təyyarədəki 160-dan çox sərnişin arasında 120 Rusiya vətəndaşı, 15 Belarus vətəndaşı, 10 Polşa vətəndaşı, 8 Ukrayna vətəndaşı, 3 Qırğızıstan vətəndaşı, 3 Özbəkistan vətəndaşı, 2 Yəmən vətəndaşı və 1 Tacikistan vətəndaşı, o cümlədən iki yaşdan kiçik 15 uşaq və 64 yeniyetmə olub.

Fəridə Abdullayeva
AZƏRTAC-ın xüsusi müxbiri
Moskva