Kiyevdə qızı zorlayıb daha sonra onu soyan azərbaycanlı saxlanılıb.

ANS PRESS-in məlumatına görə, hadisə Darniskovo rayonunda baş verib. Hüquq-mühafizə orqanları axtarış həyata keçirərək 27 yaşlı azərbaycanlı ələ keçiriblər.

İstintaqın gedişi zamanı məlum olub ki, azərbaycanlı oğlan gecə yarısı qızın evinə gəlib. Daha sonra oğlan qıza blokda danışmağı təklif edib. Gənc qız oğlanın sərxoş halda olduğunu və özünü pis apardığını deyib.

Qız mənzilə geri qayıtmağa çalışıb, ancaq oğlan bıçağı çıxararaq qızı qorxutmağa başlayıb. Azərbaycanlı bir neçə dəfə qızı vurub və daha sonra onu zorlayıb. Oğlan qızın müqavimət göstərə bilməməsindən istifadə edərək onun barmağından qızıl üzüyü çıxarıb və hadisə yerindən uzaqlaşıb.

Növbəti gün qız hüquq-mühafizə orqanlarına müraciət edib. Qız oğlanın ad və familyasını polisə verib, amma bu məlumatlar yanlış çıxıb. Darniskovo rayonun prokurorluğu tərəfindən aparılan istintaq zamanı rayon polisi şübhəli şəxsi ələ keçirib. Azərbaycanlı barəsində həbs qətimkan tədbiri seçilib.

Hazırda faktla bağlı araşdırma aparılır.
Mənbə
ANS PRESS