Bakı. 31 mart. REPORT.AZ/ AFFA Azərbaycanın tanınmış futbolçularından olan Samir Ələkbərova yeni vəzifə verib. "Report"un federasiyanın rəsmi saytına istinadən verdiyi məlumata görə, o, Bakıda fəaliyyət göstərən "Mançester Yunayted" Futbol Məktəbində çalışacaq.
S.Ələkbərov məktəbdə ingiltərəli mütəxəssis Mik Bennetin köməkçisi olacaq. Sabiq hücumçu yeni vəzifəsinin icrasına aprelin 1-dən başlayacaq.
Qeyd edək ki, bu vəzifədə daha öncə Azərbaycan milli komandasında baş məşqçinin köməkçisi olan Elxan Abdullayev çalışıb.