Britaniyada parlament buraxılıb.

ANS PRESS-in məlumatına görə, bu, mayın 7-də keçiriləcək Parlament seçkiləri üçün təbliğat müddətinin rəsmən başlaması ilə əlaqədardır.

Təbliğatın startını baş nazir verib. “Downing Street”də danışan Devid Kameron deyib ki, o, ölkəni dəyişmə prosesini başladıb və bunu başa çatdırmaq istəyir. Baş nazir iqtisadiyyatın bərpa olunmasını davam etdirmək və "güclü liderlik" göstərmək üçün seçiciləri onu hakimiyyətdə saxlamağa çağırıb. O, müxalif Leyboristlər partiyasının lideri Ed Milibandın "iqtisadi xaos" yarada biləcəyi barədə xəbərdarlıq edib.

Daha əvvəl Miliband demişdi ki, Devid Kameronun rəhbərlik etdiyi Mühafizəkarlar partiyasının Aİ üzrə siyasəti Britaniya bizneslərini açıq-aşkar təhlükə altında qoyur.

Qeyd edək ki, Kameron çıxışını, Buckingham Sarayında Kraliça II Yelizaveta tərəfindən qəbul olunandan sonra edib. Bu, mayın 7-də keçiriləcək seçkilərə qədər onunla Kraliça arasında sonuncu belə görüş sayılır.

Ekspertlər isə baş tutacaq seçkilərin nəticəsini proqnozlaşdırmaqda çətinlik çəkir.
Mənbə
ANS PRESS