Azərbaycan, Bakı, 27 mart /Trend/
19 yaşadək futbolçulardan ibarət komandalar arasında Avropa çempionatının elit-raund mərhələsində Azərbaycan yığmasının mübarizə apardığı 7-ci qrupun oyunlarına start verilib.
Trend-in məlumatına görə, futbolçularımız ilk oyunda Fransanın Sen Lo şəhərindəki Lui Vilmer stadionunda fransalı həmyaşıdları ilə qarşılaşıb.
Oyunun birinci hissəsində qol qeydə alınmayıb. 61-ci dəqiqədə meydan sahibləri hesabı açıblar – Kinqsli Koman fərqlənib. Oyunun son dəqiqələrində Koman dubla imza atıb - 2:0.
Bu qrupun digər oyununda isə İngiltərə Danimarkanı 3:2 hesabı ilə məğlub edib.
Məqalə müəllifi ilə əlaqə ünvanı: agency@trend.az
