“Türkiyə Universitetləri Məzunları” İctimai Birliyinin (TUMİB) Türkiyə Təmsilçiliyi 4 aprel 2015-ci il tarixində İstanbul şəhərində, Üsküdar bələdiyyəsinə aid möhtəşəm bir restoranda “Azərbaycan - Türkiyə Qardaşlıq Gecəsi” adlı tədbir keçirəcək.

Bu barədə ANS PRESS-ə TUMİB-in Türkiyə təmsilçisi Lalə Həsənoğlu xəbər verib.

Tədbirin məqsədi bir millət, iki dövlət olan Azərbaycan və Türkiyə arasında qardaşlıq və mədəni əlaqələri daha da qüvvətləndirmək və möhkəmləndirməkdir.

Keçiriləcək tədbirdə Azərbaycan Respublikasının İstanbul Baş Konsulluğunun nümayəndələri, Türkiyədə pedaqoji fəaliyyətlə məşğul olan azərbaycanlı müəllimlər, Türkiyədə təhsil almış azərbaycanlı məzunlar və tələbələr, Azərbaycanın və Türkiyənin iş adamları, Türkiyənin Qeyri Hökumət Təşkilatlarının nümayəndələri, media nümayəndələri də iştirak edəcək.

Gecə Azərbaycan və Türkiyə musiqisi sədaları altında keçiriləcək.
Mənbə
ANS PRESS