Bakı. 23 mart. REPORT.AZ/ Tunisin baş naziri Həbib Essid ölkənin polis idarəsinin beş rəhbər şəxsini vəzifədən azad edib.
"Report"un Amerikanın Səsinə istinadəın verdiyi xəbərə görə, bu qərar ötən həftə 21 adamın qətli ilə nəticələnən terror aktından sonraya təsadüf edir.
Belə ki, turist təhlükəsizlik xidmətinin rəhbəri, kəşfiyyat briqadasının rəisi, Tunis polisinin şefi və daha iki nəfər işdən çıxarıb.
Rəsmilər deyirlər ki, muzeydə keşik çəkmək həvalə edilmiş əməkdaşlar hücum zamanı yaxılıqdakı parlament binasında qəhvə içirmiş.