Kürdəmir, 20 mart, AZƏRTAC
Kürdəmirdə xalqımız üçün əziz olan Novruz bayramı münasibətilə “N” saylı hərbi hissənin əsgər və zabitləri ilə görüş keçirilib.
AZƏRTAC xəbər verir ki, rayon rəhbərlərinin, gənclərin və ziyalıların iştirak etdikləri görüşü rayon icra hakimiyyəti başçısının müavini, ictimai-siyasi və humanitar məsələlər şöbəsinin müdiri Vəsilə Əsgərli açaraq bayram münasibətilə əsgər və zabitləri təbrik edib, onlara şərəfli xidmətdə uğurlar arzulayıb. Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin yorulmaz fəaliyyəti nəticəsində ordumuzun bu gün regionda ən güclü qüvvəyə malik olduğundan, torpaqlarımızı erməni işğalçılarından hər an geri almaq əzmindən bəhs edib.
Tədbir rayon mədəniyyət və turizm şöbəsinin nəzdində fəaliyyət göstərən hərbi hamilik koordinasiya şurası üzvlərinin ifasında rəngarəng konsert proqramı ilə davam edib.