Bakı, 19 mart, AZƏRTAC
Faşizm üzərində tarixi Qələbənin 70 illik yubileyi münasibətilə keçirilən tədbirlər planına uyğun olaraq MDB Parlamentlərarası Assambleyanın üzvləri və veteranlardan ibarət nümayəndə heyətinin Azərbaycana səfəri davam edir.
AZƏRTAC xəbər verir ki, martın 19-da qonaqlar Xəzər rayonunun Buzovna qəsəbəsindəki “1941-1945-ci illər” abidə kompleksini ziyarət ediblər.
Milli Məclisin deputatı Rauf Əliyev faşizm üzərində qələbənin əldə olunmasında Azərbaycan övladlarının qəhrəmanlığından danışıb. Bildirilib ki, Azərbaycan Prezidenti İlham Əliyev İkinci Dünya müharibəsinin veteranlarına yüksək diqqət və qayğı göstərir.
Sankt-Peterburq Veteranlar Şurası Təşkilatının sədri İsay Kuzineç də Azərbaycan xalqının döyüş rəşadətindən, Bakı neftinin qələbənin qazanılmasındakı müstəsna rolundan söz açıb.
Sonra müharibə veteranı Əbdülağa Cavadov əbədi məşəldən alov götürərək marafon iştirakçılarına təqdim edib.