Nazirlikdən "Report"a verilən məlumata görə, qurum potensial iddiaçıları Respublika Baytarlıq Laboratoriyasının yarma otağı, nümunə otağı (serologiya, virusologiya, quduzluq, bakterioloji, parazitologiya, kimya toksikologiya, metal analizləri, radiologiya məqsədli cihazlar və avadanlıqlar) üçün lazım olan avadanlıqlar, dopinq analizi, DNT analizi, dioksin analizi üçün tələb olunan cihazlar və avadanlıqların təchizatı və quraşdırılması üçün öz təkliflərini təqdim etməyə dəvət edir. Avadanlıqların geniş təsviri və sayı tender sənədlərində əks olunub.
Tender təkliflərinin qiymətləndirilməsində aşağı qiymət, yüksək keyfiyyət, analoji işlərdə təcrübə (sifarişçilərdən yazılı təsdiqlə birlikdə), maliyyə vəziyyəti, tələb olunan vaxtda çatdırılma və quraşdırılma, avadanlıqların istifadəsi üzrə təlimin keçirilməsi üçün lazımi ixtisaslı işçi heyətinin mövcudluğu (tərcümeyi hal və heyətin təcrübəsini sübut edən sənədlər) və s. meyarlara üstünlük veriləcək.
Sənədlər (tender təklifi və tender təklifinin təminatı istisna olmaqla) aprelin 28-dək, tender təklifi və təklifin təminatı isə mayın 7-dək Kənd Təsərrüfatı Nazirliyinə təqdim edilməlidir.
Təkliflər Tender Komissiyası tərəfindən iştirak etmək istəyən iddiaçıların nümayəndələrinin iştirakı ilə mayın 8-də açılacaq.