Bakı, 17 mart, AZƏRTAC
“AGBank” ad günü olan müştərilərinə yeni kampaniya təklif edir.
Bankdan AZƏRTAC-a bildiriblər ki, müştərinin banka müraciət etdiyi tarix doğum günü ilə eyni aya təsadüf etdikdə, həmin müştəriyə “Nağd Pul krediti” məhsulu üzrə illik faiz dərəcələrinə 5 faiz endirim ediləcək.
Kampaniya 2015-ci ilin sonuna kimi davam edəcək.
3–36 ay müddətinə verilən bu kreditdən 20-65 yaş aralarında olan bütün fiziki şəxslər yararlana bilərlər (FİFD 25,40 faizdən başlayaraq). Onu da qeyd edək ki, digər banklarda krediti olan müştərilər “AGBank”ın təqdim etdiyi nağd pul kreditdən yararlana bilərlər.
Sadəcə 30 dəqiqə vaxt sərf edərək müştərilər 10 min manatadək nağd pul kreditlərinə zaminsiz, bankın digər filiallarından da əldə edə bilərlər.
Kampaniya haqqında ətraflı məlumatı bankın 135 nömrəli məlumat mərkəzindən əldə etmək olar.