Fransa Liqasının 29-cu turunda “Bordo”ya məğlub olmuş matçda hakimli tənqid etdiyinə və Fransa haqqında neqativ sözlər dediyiniə görə PSJ-nin hücumçusu Zlatan İbrahimoviç üzr istəyib.

ANS PRESS-in məlumatına görə, isveçli futbolçu Fransa xalqından üzr istəyib.

"Demək istəyərəm ki, mənim sözlərim nə Fransanın, nə də fransızların ünvanına yönəldilməyib. Mən yalnız futbol haqqında danışırdım. Matçı uduzdum və bununla barışmalıyam, ancaq onunla razılaşmaq mümkün deyil ki, arbitr özü qaydalara riayət etmir. Belə hal ilk dəfə deyil ki, baş verir. Əsəblərin də sərhədi var, bəzən sözlər fikirlərdən irəli gəlir. Mənim fikirlərim kimə toxundusa, onlardan üzr istəyirəm", - deyə İbrahimoviç bildirib.
Mənbə
ANS PRESS