Bu gün magistral yollardan birində yaşıllığın artırılması ilə məşğul olanlar iki ədəd müəmmalı bağlama tapıblar.

Bakı dairəvi yolunda, Lökbatan qəsəbəsi ərazisinə düşən yol kənarının abadlaşdırılması işlərini aparanlar torpaq qatının altından iki ədəd müəmmalı bağlama tapıblar. Bununla bağlı dərhal əməkdaşlar ANS TV-nin “qaynar xətt”inə müraciət edib.

Həmin bağlamaların içərisində müxtəlif iynələr, gəlincik, ailəyə məxsus rəsmlər mövcud idi. Bundan əlavə üzərində müxtəlif yazılar olan kağızlar vardı. Əməkdaşlar deyir ki, burada ağac əkərkən iki selofan torba tapıblar. Ancaq həmin torbalardan birini yandırıblar. Onlar ehtimal edir ki, mistik düşüncəli insanlar rəsmdə olan ailəyə qarşı dəhşətli supriz hazırlayıblar.

Bağlamanı tapan şəxs Ayaz Hüseynovun sözlərinə görə, ərazidə yaşıllaşdırma işi apararkən iki ədəd selofan tapılıb: "Onlardan birini yandırdıq. Yandırdığımız selofanın içinə baxmadıq. Digər selafonun içərisində isə müxtəlif iynələr, gəlincik, ailəyə məxsus rəsmlər vardı”.

Həmin bağlamaların doğurdanmı mistik düşüncəli insanlar tərəfindən hazırlandığını ekstranses Timur Nəsirovdan xəbər almağa çalışdıq. O, ilk olaraq bağlamaya baxış keçirdi.

Qutudan çıxan əşyalarla bağlı müxtəlif fikirlər irəli sürdü: “Ümimiyyətlə ailə daxilində çox pis olaylar baş verir. Ailənin vəziyyətinin getdikcə bundan da pis olacağı gözlənilir. Gördüyünuz bu müxtəlif iynələr, gəlincik, ailəyə məxsus rəsmlər burada təzə basdırılıb. Bunun məhz yol qırağında basdırılmasına gəlincə isə bu bir o qədər də əhəmiyyət daşımır, insanlar harada gəldi basdırırlar. Amma ola bilsin ki, ailə bu yoldan daha çox istifadə edir. Onlar bu yoldan istifadə edərəkən qəza baş versin deyə bağlama bura basdırılıb”.

Daha sonra müsahibim bağlamanın içərisindəki gəlinciyin üzərindəki iynələri çıxartdı. Və bildirdi ki, rəsmdə olan ailəyə bacardığı qədər kömək edəcək. Bu məqsədlə də o, həmin bağlamanı götürüb uzaqlaşdı. Odur ki, şəkildəki ailənin üzvləri və ya yaxınları bizi izləyirsə, bu məsləylə bağlı “qaynar xətt”imizlə əlaqə saxlayıb münasibət bildirmək imkanından istifadə edə bilərlər.

Bir müddət əvvəl “İç xəbər”ə buna bənzər məlumat daxil olmuşdu. Bakıdakı qəbirstanlıqlardan birinə ziyrətə gedən şəxs qəbirlərin çoxunun üzərinə gənc oğlanın fotoşəklinin qoyulmasının şahidi olmuşdu.

Ekstrasens bu əməlin gəncin sağlamlığına xələl gəlməsinə hesablanmasını bildirmiş, amma araşdırmalar nəticəsində həmin şəxsin Bakıdakı banklardan birində işləməsi və sağlam olması üzə çıxmışdı.

Mənbə
ANS TV: Nurlan Rafiqoğlu