Bakı, 11 mart, AZƏRTAC
Hazırda təbabətin müasir nailiyyətləri və sağlam həyat tərzi insanlara 120 il yaşamaq imkanı verir.
AZƏRTAC xəbər verir ki, artıq yaxın gələcəkdə biomexanika və səhiyyə sahəsində innovativ texnologiyalar insan ömrünü 500 ilədək artırmağa imkan verəcək. ABŞ-ın "Google" korporasiyasının vençur investisiya bölməsinin prezidenti Bill Meris belə hesab edir.
Meris bildirib ki, insanın fizioloji potensialı onun 500 il yaş həddi haqda danışmağa əsas verir. Əgər həmin məsələyə gen mühəndisliyi və biomexanika sahəsindəki nailiyyətləri əlavə etsək o zaman insanın bu yaş həddinə çatmaq imkanı dəfələrlə artır.