Salyan, 11 mart, Mahir Babayev, AZƏRTAC
Novruz bayramı ərəfəsində Salyan şəhərinin Dəmiryol vağzalı yaşayış massivinin “mavi yanacaq”la təmin edilməsi tam başa çatdırılıb.
AZƏRTAC xəbər verir ki, 5 min 500 nəfərin yaşadığı massivdə iki il əvvəl 570 abonent təbii qazla təmin olunub. Qalan 188 abonentə isə bu il Novruz bayramı ərəfəsində “mavi yanacağ”ın verilməsinə başlanılıb. Bunun üçün 7,6 kilometr uzunluğunda müxtəlif diametrli qaz xətləri çəkilib, qaz tənzimləyici qurğular və sayğaclar quraşdırılıb.
Bu münasibətlə təşkil olunan tədbirdə çıxış edənlər rayonda həyata keçirilən sosialyönümlü layihələrdən danışaraq, kənd və qəsəbələrin qazlaşdırılmasının bunun əyani göstəricisi olduğunu vurğulayıblar.
Qeyd olunub ki, hazırda rayonunu 6 yaşayış məntəqəsinin qazlaşdırılması istiqamətində işlər davam etdirilir.