1966-cı ildən Xaçmazda fəaliyyət göstərən teatr kollektivinə “Xalq teatrı” adı verilib. Status teatr günü münasibəti ilə Mədəniyyət və Turizm naziri Əbülfəs Qarayevin sərəncamına əsasən təqdim olunub.

RTV (Region TV) xəbər verir ki, eyni zamanda teatrın fəal üzvlərinə fəxri fərmanlar da verilib. Hazırda teatr üçün yeni geyimlərin alınması və təhsilli, istedadlı gənclərin heyətə cəlb olunması istiqamətində işlər aparılır.

Teatr növbəti aydan geniş heyətlə yeni tamaşanın hazırlanmasını planlaşdırıb. Artıq tamaşalara yerli aktyorlarla yanaşı, paytaxtdan da peşəkar aktyorların cəlb olunması nəzərdə tutulub.

Milli.Az