Şəki, 10 mart, AZƏRTAC
Sabit Rəhman adına Şəki Dövlət Dram Teatrında Əhməd Orucoğlunun “Oğru” pyesi əsasında hazırlanan tamaşa üzərində məşqlər başa çatmaq üzrədir. Yeni səhnə əsəri martın sonunadək sənətsevərlərə təqdim olunacaq.
Bu barədə AZƏRTAC-a teatrın baş rejissoru, Əməkdar İncəsənət Xadimi Mirbala Səlimli məlumat verib. Əbülfət Salahovun quruluş verdiyi tamaşada əsas rolları Xanlar Həşimzadə, İqrar Salamov, Briliant Babayeva, Akif Yusifov, Çinarə Səmədova və başqaları ifa edirlər.
Tamaşa təhvil verildikdən sonra teatrın yaradıcı kollektivi apreldə ispan dramaturqu Migel de Sevantesin “Don Kixot” əsəri üzərində məşqlərə başlayacaq.