Bakı, 9 mart, AZƏRTAC
“Milli cəbhə” partiyasının lideri Marin Le Pen Fransanı avrozonadan çıxarmağa söz verir. O, Financial Times qəzetinə müsahibəsində bəyan edib ki, 2017-ci ildə keçiriləcək prezident seçkilərində qalib gələcəyi təqdirdə ölkəsini avrozonadan çıxaracaq.
AZƏRTAC xarici KİV-ə istinadla xəbər verir ki, Marin Le Penin fikrincə, milli valyutaya - fransız frankına qayıdış zərər əvəzinə, daha böyük xeyir gətirəcək. Bu addım avrozonanın iflası olacaq.
Qeyd etməyə dəyər ki, Le Penin mövqeyi Fransa hakimiyyətinin fikrindən çox fərqlidir. Məsələn, o, bundan əvvəl Krımın Rusiyaya məxsusluğunu qəbul etməyə çağırmışdı.