Bakı, 5 mart, AZƏRTAC
Yapı Kredi Bank Azərbaycan Bakı şəhərinin Yasamal rayonu, Şərifzadə küçəsi 75A (Metronun “İnşaatçılar” stansiyası yaxınlığında) və Bəsti Bağırova küçəsi 2A (Dövlət Statistika Komitəsi ilə üzbəüz) ünvanında “Yasamal” və “İnşaatçılar” filiallarını istifadəyə verib.
Bankdan AZƏRTAC-a bildiriblər ki, müştərilər yeni xidmət məntəqələrində istehlak və biznes kreditləri, əmanətlər, pul köçürmələri, məşhur kredit kartı markası - Worldcard, valyuta əməliyyatları və digər bank məhsullarını əldə edə biləcəklər.
Yapı Kredi Bank bununla da ümumi filial sayını 18-ə çatdırıb.
Maraqlananlar bankın məhsul və xidmətləri ilə bağlı məlumatları daim yenilənən www.yapikredi.com.az və https://www.facebook.com/YapiKrediAZ səhifələrindən, eyni zamanda, *0444 Yapı Kredi telefon mərkəzindən əldə edə bilərlər.