Bakı, 22 aprel, AZƏRTAC
Azərbaycan Tələbə Gənclər Təşkilatları İttifaqı (ATGTİ) Azərbaycan Respublikasının Prezidenti yanında Gənclər Fondunun maliyyə və Azərbaycan İntellektual Oyunlar Klubunun təşkilati dəstəyi ilə “Herodot Kuboku” intellektual yarışının birinci mərhələsinə yekun vurub.
ATGTİ-dən AZƏRTAC-a bildiriblər ki, tələbələr arasında keçirilən yarışda hər biri altı nəfərdən ibarət olan komandalar tarixə aid intellektual sualları cavablandırıb.
Yarışın birinci mərhələsində 12 təhsil müəssisəsinin 120 komandası iştirak edib. Komandalardan 25-i finala vəsiqə qazanacaq.
“Herodot Kuboku” intellektual yarışının final mərhələsi aprelin 24-də “Park İnn” otelində keçiriləcək.
