Rəqqasə Fatimə Fətəliyeva ilk həyat yoldaşı, qızı Aydanın atasından danışıb.

Axşam.az-ın məlumatına görə, sənətçi “Düzünü desək” verilişində övladının atası ilə görüşmədiyini bildirib:

“Qız uşağını böyütmək çətindir. Həyat yoldaşımdan ayrılanda çox gənc idim. Qızım 8 aylıq idi. Anam mənə dəstək oldu. Halbuki ərə gedəndə heç kimin sözünə qulaq asmamışdım. Ayrılandan sonra valideynlərim məni atmadı. Yoldaşımın öz biznesi var idi, xarici ölkələri gəzirdi. Getdi və 1 ildən sonra məktub yazdı ki, sizin üçün darıxıram. Qayıtdı gəldi və məni də özü ilə Türkiyəyə aparmaq istədi. Atam dünyasını dəyişmişdi, qardaşım xaricdə yaşayırdı. Anamı tək qoya bilməzdim. Qızım 11 yaşına qədər atasının şəklini başının altına qoyub yatırdı. Həmişə istəmişəm ki, atası və onun qohumları ilə münasibəti yaxşı olsun. Neçə ildən sonra keçmiş həyat yoldaşım yenidən qayıtdı və qızımla görüşdü, apardı gəzdirdi. O vaxt maddi vəziyyəti yaxşı deyildi. Sonradan övladımıza münasibəti dəyişdi. İllər keçdi. Hazırda onun şəhərin mərkəzində üç-dörd mağazası var, imkanlıdır. İndi Aydanı görəndə üzünü çevirir. Bundan sonra övladımın onla görüşməsinə icazə vermərəm. O insanda ata hissiyatı qalmayıb. Qızım da atasını qəlbindən silib. Çünki dəfələrlə atasına mesaj yazıb, ondan cavab gəlməyib".